ព័ត៌មានមួយនេះត្រូវបានគេលើកយកមកពិភាក្សាទូទាំងពិភពលោក ដែលនិយាយអំពីការរលាយផែនដីក្នុងឆ្នាំ២០១២។ រហូតដល់មានបង្កើតជាភាពយន្តមួយមានចំណងជើងថា ឆ្នាំ២០១២។
វាបានធ្វើអោយមានការចាប់អារម្មណ៍ជាច្រើនពីប្រជាជនទូទាំងពិភពលោក នេះ តាមពិតទៅអង្គហេតុដែលនាំអោយកើតមាននូវចម្ងល់គឺដោយសារ តែក្បួនទស្សន៍ទាយដែលបានសរសេរលើចម្លាក់ក្បាច់របស់ជនជាតិ ម៉ាយ៉ាន នៅ ពីរ៉ាមីត។ ជាងនេះទៅទៀតខ្ញុំធ្លាប់បានអានអត្ថបទជាច្រើនដែលមានការពន្យល់ក្នុង ឯកសារប្រវត្តិសាស្ត្រ ពីរឿងកំពូលប្រាសាទអង្គវត្ត ដែលមានពាក់ព័ន្ធ និងចម្លាក់ក្បាច់នៅពីរ៉ាមីតផងដែរ។
end of world
មានការទស្សន៍ទាយជាច្រើនដែលធ្លាប់បាននិយាយក្នុងប្រវត្តិសាស្ត្រថា ផែនដីនិងរលាយប៉ុន្តែកាលបរិច្ឆេតរបស់ពួកគេសុទ្ធតែបង្ហាញ មកផ្សេងៗគ្នា។
កាលពីលើកមុន ធ្លាប់មានអ្នកវិទ្យាសាស្ត្រមួយរូប ដែលមានឈ្មោះថា ហ្សេកឃឺ បានជឿជាក់ថា ពិភពលោកទាំងមូលនឹងត្រូវបញ្ចប់នៅក្នុងឆ្នាំ ១៧៩។ ចំនែកឯអ្នកខ្លះទៀតបានអះអាងថា ពិភពលោកនឹងអាចត្រូវបញ្ចប់ក្នុងអំឡុងពីឆ្នាំ ១៩១៤ ទៅ ១៩៩៩។
សំរាប់ជនជាតិហ្វីលីពីន ពួកគេបានជឿជាក់ថា ពិភពលោកទាំងមូល នឹងបញ្ចប់នៅថ្ងៃទី៣១ខែ ឆ្នូ ឆ្នាំ ១៩៩៩។ នៅពេលនោះផងពួកគេ ក៏បានធ្វើការត្រៀមខ្លួនដើម្បី រង់ចាំថ្ងៃនោះមកដល់ ក៏ប៉ុន្តែវាមិនដែលកើត ឡើងសោះ។
ហេតុអ្វីបានជាការទស្សន៏ទាយរបស់ប្រតិទិនរបស់ ជនជាតិម៉ាយ៉ាន កំពុងតែទាក់ទាញ ចំណាប់អារម្មណ៏របស់សហគមន៏ អ្នកវិទ្យាសាស្ត្រទៅវិញ?
ជនជាតិម៉ាយ៉ានបុរាណ បានកំណត់សញ្ញាអំពីគន្លងនៃអវកាសដែល មានអាយុកាល ២៦០០០ឆ្នាំ ដែលត្រូវបានគេហៅថា ការកើតមុននៃអយនកាល ដែលជាកាលក្នុងរដូវដែលមានវេលាថ្ងៃនឹងយប់ស្មើគ្នា គឺនៅថ្ងៃទី២១ ឬ២២ មិនា និង ថ្ងៃ ២២ ឬ២៣ ខែកញ្ញា។
កាលបរិច្ឆេទដែលត្រូវបញ្ចប់នៅក្នុងឆ្នាំ២០១២នេះ កើតឡើងព្រមគ្នាជាមួយនឹង “ព្រឹត្តិការណ៏ នៃការតំរៀបជួរគ្នានៃផ្កាយទាំងអស់” ដែលអ្នកយានអវកាសសម័យទំនើបបានស្រាវជ្រាវ ឃើញថានឹងមាន។ នៅក្នុងសៀវភៅដែលត្រូវបានសសេរឡើងដោយ លោក Adrian Gilbert “The End of Time” បាននិយាយថា “យប់ថ្ងៃទី២១ និង ២២ ខែធ្នូ ឆ្នាំ ២០១២មិនត្រឹមតែជា យប់ដែលមានរយៈពេលវែងជាងគេនោះទេ ប៉ុន្តែវាក៏អាចជាការតំរៀបជួរគ្នានៃផ្កាយ”
ខាងលើនេះជាងអ្វីដែលខ្ញុំបានស្រាវជ្រាវពីឯកសារផ្សេង ប៉ុន្តែតាមអ្វីដែលខ្ញុំគិតត្រលប់មកវិញ ការរលាយក្នុងឆ្នាំ ២០១២ នេះប្រហែលជាគេចង់ផ្ដោតទៅលើ ប្រតិទិនតែមួយមុខទេមើលទៅ ព្រោះថា ក្នុង១ឆ្នាំមាន ១២ខែ ដូចនេះការដែលនិយាយថា រលាយឆ្នាំ២០១២នេះគឺ ថ្ងៃ ទី២១ ខែ១២ ឆ្នាំ២០១២ នឹងលែងមានជារៀងរហូតព្រោះវាមានរយៈពេល សម្រាប់ថ្ងៃគូរគឺ ថ្ងៃ ១២-១២-១២ ដែលជាថ្ងៃកម្ររកបានណាស់។
សរុបមកវិញ ខ្គុំពុំជឿទៅលើការទស្សនទាយទាំងនោះទេ តែខ្ញុំជឿទៅលើស្នាដៃអច្ឆិរយៈរបស់បុព្វបុរសទាំងនោះវិញ ព្រោះមានក្បួនគណិតវិទ្យាដែលគ្មានអ្នកណាអាចធ្វើដូច។ ការរលាយផែនដីគ្មានអ្នកណាអាចដឹងមុនបានឡើយ យើងជាមនុស្សមិនមែនព្រះទេ។ សូមអគុណ៕
